Shoqata “Yjet e Kosovës” me kryesi të re

Më 23 shtator është mbajtur mbledhja e asamblesë së përgjithshme të shoqatës “Yjet e Kosovës” (Die Sterne Kosovas) nga Emmedingeni, Gjermani. Në këtë mbledhje, siç bëhjet e ditur në një komunikatë për shtyp të saj, është zgjedhur kryesia e re e shoqatës, në përbëre prej tri femrash dhe dy burrash.

Kryetar është zgjedhur sërish Tahir Shabani, ndërsa nënkryetare e re ështëNife Shala. Anëtarë tjerë të kryesisë janë: Dashmire Hasani, Clemens Hauser dhe Samire Shabani.

Shoqata “Yjet e Kosovës” gjatë kohës sa ekziston ka zhvilluar një numër të madh aktivitetesh kulturore dhe iniciativash, në të mirë të integrimit të shqiptarëve në shoqërinë gjermane dhe të njohjes së ndërsjellë të dy popujve.