Të huajt mund të bëhen policë në Solothurn

Në kantonin e Solothurnit në të ardhmen edhe të huajt mund të trajnohen si oficerë policie.

Qeveria e Kantonit ka propozuar rishikimin e ligjit të policisë. Deri tani prakusht për të qenë polic në këtë kanton ka qenë shtetësia zvicerane.

Por tani gjendja ka ndryshuar. Në këtë kanton, 19.5% e popullsisë nuk kanë pasaportë zvicerane. Shumica prej tyre kanë lindur këtu, flasin madje edhe dialektin dhe janë mirë të integruar.

Në propozimin e Qeverisës kantonale thuhet se policia ka për qëllim të reflektojë diversitetin e popullsisë rezidente.

Përveç kësaj, policët me prejardhje të huaj mund të jenë edhe më të dobishëm në detyrë për shkak të njohurive të gjuhës, kulturës dhe mentalitetit.

Propozimet e qeverisë për të ndryshuar ligjin kantonal të policisë janë dërguar për konsultim, për t’iu kthyer parlamentit për miratim.

Deri tani Jura, Neuschateli dhe qyteti i Bazelit kanë hapur dyert e policisë për të huajt.