Sa do të kushtojë një Iphone 5 në Zvicër?

iPhone 5 do të paraqitet në tregun zviceran më 28 shtator, derisa radhë të gjata të njerëzve janë duke u parë në mbarë botën për të siguruar modelin më të ri të iPhones.

Derisa iphone 5 është në dispozicion në Australi, Japoni, Hong-Kong, Singapor, Gjermani, Francë, Britani të Madhe dhe SHBA, në Zvicër po bëhen përllogaritjet paraprake për çmimin e modelit të fundit të Iphone.

„Comparis“, një shërbim krahasues i çmimeve që vepron përmes internetit, duke u bazuar në një sondazh të realizuar me kompanitë më të mëdha të telefonisë mobile në Zvicër ka konstatuar se në “Coop Mobile”, Iphone 5 është më i liri.

1358 franga kushton në “CoopMobile” një smartphone i ri Apple me një abonim dyvjeçar, duke përfshirë bisedat, sms-at dhe download-in.1727 franga, dukshëm më shtrenjtë do të kushtojë një Iphone 5 në Sunrise, ndërsa 2053 franga në Orange dhe 2169 në Swisscom.

Apple ka njoftuar se ka arritur të shesë më shumë se 2 milionë iPhone 5 me paraporositë e konsumatorëve brenda 24 orëve të para pas prezantimit.

Dhe kësaj radhe pritet që Apple të thyejë rekordet e saj të shitjes, të cilat do ta bënin këtë model të ri të iPhone si më të suksesshmin deri tani.Ekspertë të industrisë vlerësojnë se kompania Apple deri në fund të vitit mund të shesë deri 50 milionë iPhone të rinj.