Policët vrasin shoferin e armatosur

Edhe njëri nga policët është plagosur po ashtu nga të shtënat e kolegëve të vet

Në Montreux, kantoni Vaud, policia ka qëlluar për vdekje një person që po e ngiste makinën me shpejtësi të madhe.

Siç bën të ditur policia e këtij kantoni, personi në fjalë nuk i ishte  bindur urdhrit për tu ndalur në një pikë kontrolli të policisë. Pas kësaj, patrulla policore ishte vënë në ndjekje të tij dhe e ka ndaluar shoferin e pabindur.

Ky i fundit kishte dalë nga makina dhe në duar mbante një pushkë gjuetie. Policët, sipas asaj që u tha në konferencën  e mbajtur sot nga policia e Vaudit, ishin ndjerë të rrezikuar dhe kishin shtënë me armë në drejtim të tij.

Nga këto të shtëna ka vdekur shoferi ndërsa njëri nga policët është plagosur po ashtu nga të shtënat e kolegëve të vet.