Varrezë mesjetare nën shtëpinë e rrënuar

Me rastin e prishjes së një shtëpie të vjetër banimi në fshatin Domat/Ems të kantonit Graubünden është gjetur një varrezë me më shumë se 100 varre. Në mesin e të varrosurve, në një hapësirë të ngushtë bëjnë pjesë të rritur ashtu si dhe fëmijë dhe foshnja.

Hulumtimet që do të pasojnë pritet të hedhin më shumë dritë në lidhje me të varrosurit dhe në lidhje me jetën fshatare në Domat/Ems gjatë mesjetës.

Shtresime të shumta në varrezën e gjetur, lënë të kuptohet se ai lokacion ka shërbyer për varreza për një kohë të gjatë, njofton shërbimi arkeologjik i Graubündenit.Në fshatin Domat/Ems janë bërë disa herë, gjetje me rëndësi arkeologjike gjatë 30 viteve të fundit.