Rama për “Kurier”-in austriak: Për shqiptarët Dielli lind nga Perëndimi

Kryeministri i Shqipërisë ka folur për të përditshmen austriake ‘Kurier” për ndikimin e Rusisë në Ballkanin Perëndimor dhe shansat fer të anëtarësimit në BE

Bild: AP/Markus Schreiber

“Leksioni im i parë nga procesi europian i anëtarësimit është: çdoherë i fiton të gjitha në minutat e fundit,” tha ai përcjell albinfo.ch. Kjo kohë duhet të jetë fundi i qershorit. Atëherë Rama pret dritë jeshile për Shqipërinë dhe Maqedoninë për fillimin e negociatave për anëtarësim.

Sipas tij, Shqipëria ka kryer më shumë punë se të gjithë shtetet tjera të rajonit dhe si shembull merr reformën në drejtësi ku deri tani ka mundësuar dorëheqjen e shumë gjykatësve dhe prokurorëëe si dhe 350 policëve.

Dielli jonë lind nga Perëndimi

Në pyetjen e gazetares, nëse për Shqipërinë ka alternativë tjetër përveç anëtarësimit në BE, Rama kujton thënien e Naim Frashërit.

“Njerëzit në Europë kurrë nuk kanë përjetuar një luftë. Ata besojnë se lufta është një film bardh e zi në TV. Por ne e kemi përjetuar atë. Ne strehuam 500 mijë refugjatë në një vend me 2.5 milionë banorë. Ne e dimë se çfarë është lufta, prandaj Europa është kaq e rëndësishme për ne. Europa është feja jonë. Tashmë gjatë Perandorisë Osmane kemi pasur një thënie: Dielli ynë ngrihet në perëndim,” tha ai.

Në lidhje me ndikimin rus, Rama kujton thënien e komunistëve përgjatë shumë dekadash: “Qielli është i kuq, jeta do të jetë e mrekullueshme”, duke e krahasuar tani me qiellin blu të Europës: “Jeta do të jetë e mrekullueshme, përparimi është bërë, por ende ka shumë për të bërë”.

Në këtë pikë Rama ka një kërkesë: “Ne e dimë këtë, por procesi duhet të jetë fer. Ne jemi duke qëndruar jashtë derës dhe duke trokitur për vite për t’u anëtarësuar.”