Kosova
U lansua pagesa online e policave kufitare
Dardan Gashi: "Me këtë, bashkatdhetarëve do t’u lehtësohet në mënyrë drastike hyrja në Kosovë. Më nuk do të krijohen radhë të gjatë, por pagesa do të mund të bëhet në mënyrë elektronike “online”. Ai theksoi se po punohet për heqjen e tërësishme të kësaj pagese
Ministria e Diasporës dhe Investimeve Strategjike në bashkëpunim me Ministrinë e Punëve të Brendshme, Policinë e Kosovës dhe Byronë Kosovare të Sigurimeve, kanë bërë sot, në pikën kufitare në Merdar, lansimin e softuerit për pagesën online të polisave të sigurimit.
“Pas punës intensive të iniciuar nga Ministria e Diasporës dhe Investimeve Strategjike, në pikëkalimin kufitar Merdar, sot zv. kryeministri i Kosovës, njëherësh ministri Dardan Gashi, lansoi edhe zyrtarisht softuerin e pagesave “online” të policave të sigurimit kufitar për bashkatdhetarët tanë”, thuhet në një komunikatë të ministrisë së përmendur.
Ministri Gashi, i shoqëruar edhe nga ministri i Punëve të Brendshme, Bejtush Gashi; drejtori i policisë kufitare, Shaban Guda, dhe zyrtarët e BKS-së, vlerësoi rëndësinë e madhe të këtij projekti, sepse , duke u kryer pagesat “online”, do të eliminohen edhe pritjet e mërgimtarëve në kufi.
Zv.kryeministri, njëherësh ministri i Diasporës dhe Investimeve Strategjike, Dardan Gashi, tha: “Kjo ditë është e veçantë, sepse lansojmë softuerin për pagesën e policave “online”. Me këtë, bashkatdhetarëve do t’u lehtësohet në mënyrë drastike hyrja në Kosovë. Më nuk do të krijohen radhë të gjatë, por pagesa do të mund të bëhet në mënyrë elektronike “online”. Ai theksoi se po punohet për heqjen e tërësishme të kësaj pagese.
Gashi falënderoi në veçanti edhe ish-ministrin e Brendshëm, Flamur Sefaj, i cili ka punuar intensivisht për jetësimin e këtij projekti të rëndësishëm.
Edhe ministri i Ministrisë së Punëve të Brendshme, z. Bejtush Gashi, përgëzoi fillimin e këtij projekti, i cili në masë të madhe do t’i lehtësojë procedurat e kalimit në pikat kufitare.
Ky sistem do të jetë funksional në të gjitha pikat kufitare.
Për çdo informacion lidhur me policën e sigurisë, bashkatdhetarët do të mund të informohen në detaje në Byronë Kosovare të Sigurimeve.
E-Diaspora
-
Boksieri Bernardin Jakaj, i gatshëm për meçin e së shtunës në Vjenë Është quajtur "Dueli i të pamposhturve"! Dy "gladiatorë" hyjnë në ring për të marrë kurorën. Numri...
-
Edi Rama pas takimit me emigrantët: Emocion i paharrueshëm, nuk do harroj fytyrat e shqetësuara të autoriteteve italiane
-
Rama diasporës në Itali: Shqiptarët, nga damka “e stato un albanese”, te shëmbëlltyra e ribashkimit europian
-
Edhe këtë vit panairi “Gjergj Kastrioti Skënderbeu“ bashkoi shqiptarët e Amerikës
-
CIES: Xhaka, lojtar me ndikim, vlerësohet me 92.3 pikë
Jeta në Austri
-
Boksieri Bernardin Jakaj, i gatshëm për meçin e së shtunës në Vjenë Është quajtur "Dueli i të pamposhturve"! Dy "gladiatorë" hyjnë në ring për të marrë kurorën. Numri...
-
Zakonet austriake të të ngrënit, nga të cilat bota mund të mësojë
-
Si të martoheni në Austri si i huaj?
-
Çfarë duhet të dini për kontratat kolektive nëse punoni në Austri?
-
Çfarë ndryshon në Austri nga muaji qershor?