Dua mposht Adelen e Ed Sheeranin për kolonën zanore të James Bondit

Dua Lipa duket të ketë një hap të madh para vetes. Këngëtarja raportohet se është në rend të parë për të incizuar kolonën zanore të filmit të ardhshëm “James Bond”.

Sipas Capital FM, Lipa është zgjedhur para Ed Sheeranit dhe Jessie J për të kënduar kolonën zanore të filmit të 25-të Bond, i cili është planifikuar të shfaqet këtë nëntor, përcjell albinfo.ch.

Sam Smith ishte kantautori i kolonës zanore “Writing’s On The Wall” për filmin “Specter” në vitin 2015. Smith madje fitoi Oscar dhe Globin e Artë. Sipas raportimeve të “Evening Standard”, Dua Lipa ka më së shumti shanse për të kënduar kolonën zanore për filmin e ri.

Kështu, besohet se Dua do t’u bashkohet këngëtareve si Madonna, Adele, Tina Turner dhe Shirley Bassey e shumë të tjerëve, duke u ngritur në një pozicion të rëndësishëm në skenën botërore të muzikës. Dua aktualisht është në majat e top-listave në Britani të Madhe me ‘One Kiss’, bashkëpunimin e saj të madh me Calvin Harris, për javën e katërt me radhë.