E theri 14-vjeçarin pasi i tha se e ka motrën e bukur

Pas një sulmi të së mërkurës në një shkollë të Vjenës, policia austriake dyshon në përpjekje për vrasje. Viktima (14) dyshohet se e ka kërcënuar dhe i ka kërkuar të holla sulmuesit (16), pasi ky i kishte thënë se e ka motrën “e bukur”.

Gjatë takimit para shkollës, 16-vjeçari e ther me thikë të kuzhinës të miturin, gjendja e të cilit është kritike, ka deklaruar zëdhënësi i policisë, Harald Söros.

Austriaku 14-vjeçar, i lindur në Vjenë, por me prejardhje arabe, përmes thashethemeve të shokëve është ndjerë i çnderuar.

Prandaj nga kroati 16-vjeçar kërkoi disa herë të holla dhe po që se nuk i sjellë, ai do ta vriste. Edhe pse 16-vjeçari një herë ia kishte dhënë 100 euro, i mituri nuk ka qenë i kënaqur, por ka kërkuar edhe më tepër të holla.

Mëngjesin e së mërkurës, ata e kishin lënë një takim para shkollës, shkruajnë mediat austriake, përcjell Albinfo.ch.

Kroati e ka vijuar aty mësimin, ndërsa sipas informatave jozyrtare, arabi ka qenë i suspenduar. Gjatë zënkës midis tyre, rreth orës 07.45, 16-vjeçari e godet me një thikë 30 cm të gjatë në bark.

Përderisa sulmuesi është arrestuar, viktima është dërguar në spitalin më të afërt dhe gjendja e tij ende është kritike. Hetimet janë në rrjedhë e sipër.