Ekonomi
Me dobësimin e frangut, përfitimi gjithnjë e më i vogël për tregti jashtë Zvicrës
Frangu zviceran po e humbë vlerën ndaj euros. Kjo sjellë pasoja për konsumatorët zviceranë, të cilët tregtojnë jashtë vendit
Për më tepër se një muaj, frangu zviceran është duke humbur vlerën në mënyrë të vazhdueshme. Që para disa ditëve, frangu në krahasim me euron është aq i dobët si asnjëherë më parë që nga braktisja e kursit më të ulët të këmbimit para tre vitesh. Atëbotë, kursi më i ulët ka qenë në 1.20 franga. Të hënën, një euro ka kushtuar 1.19 franga.
Sipas Suzanne Ziegler, profesoreshë për banking dhe financa në Universitetin e shkencave të aplikuara të Cyrihut, klienti zviceran e ndjen menjëherë këtë ndryshim të kursit: “Po të porositësh një libër tek Amazoni, duhet paguar më tepër se para disa muajve”.
Një gjë e tillë vlen për të gjithë, madje edhe për ata të cilët do t’i rezervojnë pushimet verore. Ziegler vazhdon më tej: “Tek të gjitha produktet të cilat i paguajmë me euro, e ndjejmë dallimin”. Ky zhvillim ndikon që tregtia jashtë vendit të mos jetë fitimprurëse, shkruan “20 Minuten”, përcjellë Albinfo.ch. Por, në shumicën e rasteve ende mund të përfitohet.
Për Ziegler, ky ndryshim do të thotë: “Frangu nuk do të dobësohet, por se kursi është duke u normalizuar”. Për një kohë të gjatë, frangu ka qenë shumë i fortë. Tani është duke u normalizuar “monedha e mbivlerësuar zvicerane”. Një arsye e rëndësishme për këtë është që eurokriza është zgjidhur.
Ziegler nuk preferon të bëjë një parashikim për javët e ardhshme. “Ky trend ka dëshmuar: Është duke shkuar në drejtim të normalizimit të kursit të frangut”. Po të qëndrojë në të njëjtin vend situata politike e ekonomike në Evropë, kursi i këmbimit nuk do të zbresë në mënyrë të qartë. “Por, sapo të paraqiten probleme ekonomike në vendet jugore, kursi mund të ndryshojë”, ka përfunduar Ziegler.
E-Diaspora
-
Ndahet nga jeta psikiatri, Dr. med Sami Dalipi Ka vdekur sot në moshën 62 vjeçare, spitalin e Lucernit Dr. Sami Dalipi, mjek dhe doktor...
-
Shënohet Dita ndërkombëtare e remitencave, Kosova ka rritje ndër vite
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë