Divorcohet ish ministri gjerman, Scharping

Ish ministri i mbrojtjes në Gjermani, Rudolf Scharping, është divorcuar pas 13 vite martesë, shkruan stuttgarter-nachrichten.de.

dpa

Për shumë gjermanë fotografitë e tij kanë mbetur të ngulitura thellë në memorien e tyre. Ish ministri i mbrojtjes Rudolf Scharping (SPD) qëndronte në pishinë me një grua në Mallorca- në kohën kur forcat gjermane ishin në fillimin e ndërhyrjes në Maqedoni gjatë konfliktit 2001.
Por tani gjithçka ka marrë fund.

Scharping është divorcuar me gruan e dytë Kristina Gräfin Pilati. Marrëdhënia e tyre shkaktoi bujë politike në 2001, ku partia opozitare e Angela Merkelit (CDU) atëkohë kërkoi dorëheqjen e tij. Pak pas zgjedhjeve parlamentare në 2002, kancelari i atëhershëm Gerhard Schröder (SPD) shkarkoi Scharping, informon albinfo.ch. Divorci ka ndodhur më parë, por tani është publikuar.

Por kjo nuk e ndihmoi për të fituar zgjedhjet.

Scharping mbahet në mend nga koha e ndërhyrjes së NATO-s në Kosovë, për publikimin dhe denoncimin e planit “Patkoi” të forcave serbe, i cili synonte dëbimin e shqiptarëve nga Kosova dhe “pastrimin e terrenit”. Ky plan ka shërbyer ndër të tjera NATO-s për të ndërhyrë në Kosovë. Kundërshtarët politikë dhe të tjerët që kanë qenë kundër sulmeve të NATO-s mbi Serbinë, e kanë kontestuar ekzistimin e këtij plani.