Zvicra ka nevojë për më shumë ekspertë të IT

Krahasuar me të njëjtin tremujor të vitit të kaluar, janë në dispozicion 17 për qind më shumë vende pune në shkenca kompjuterike

Keystone

Në Zvicër kërkohen me të madhe punonjësit e shkencave kompjuterike. Sipas CEO të kompanisë Adecco Group Zvicër, Nicole Burth, nuk është e lehtë të plotësohet me sukses një vend pune IT, shkruan albinfo.ch. Krahasuar me të njëjtin tremujor të vitit të kaluar, janë në dispozicion 17 për qind më shumë vende pune në shkenca kompjuterike. Krahasuar me tremujorin e fundit të vitit të kaluar, bëhet fjalë për një plus prej 2 për qind. Për më tepër, rritja në tregun e eksporteve zvicerane është gjithashtu e dukshme në shpalljet e vendeve të punës. Kjo përfiton nga rritja e ekonomisë globale dhe dobësimi i frangut.

Kështu, vendet e lira të industrisë dhe transportit u rritën me 9 për qind nga viti në vit. Rimëkëmbja në industrinë e eksportit është veçanërisht e fortë, sipas Adecco, në rajonin e Liqenit të Gjenevës. Aty, shpalljet për punë janë rritur me 27 për qind.

Në përgjithësi, sipas një studimi të kompanisë, një në dhjetë kompani ka vende të lira.

Indeksi i Tregut të Punës të Adecco Swiss është botuar nga agjencia e rekrutimit Adecco Switzerland në bashkëpunim me Zyrën e Tregut të Punës Zvicër (SSM) në Institutin Sociologjik të Universitetit të Cyrihut. Ai bazohet në anketimet tremujore përfaqësuese të mundësive për punësim të shpallura në 90 gazeta dhe në shpalljet për vende të lira pune, të publikuara në 12 portale online dhe 1300 faqe interneti korporative.