Në Zvicër jetojnë 8’482’200 persona, vërehet rritja më e ulët pas shumë vitesh

Zyra Federale e Statistikave ka publikuar numrin e popullsisë në Zvicër, shkruan albinfo.ch.

Më të rëndësishmet shkurtimisht: Në fund të 2017 në Zvicër kanë jetuar 8’482’200 persona që është për 0.7 përqind më shumë sesa vitin e kaluar. Këto janë rezultatet provizore të studimit, shkruan albinfo.ch.

Kjo tregon se rritja është më e vogël sesa nga 2007 deri 2016. Është e krahasueshme me vlerën e viteve të 2000-ta.
Numri i zviceranëve dhe të huajve rritet vazhdimisht. I të huajve rritet më fuqishëm (1.1 përqind), ndërsa zviceranët për 0.6 përqind.
Në të njëjtën kohë në krahasim nga viti paraprak, emigrantët janë ulur për 10 përqind.
Në 2017 në Zvicër kanë ardhur 172’500 persona, ndërsa janë larguar 121’200.
Diaspora zvicerane numëron 751800 persona.

Më shumë vdekje më pak lindje

Në 2017 ka pasur 18’400 më shumë lindje sesa vdekje, një minus prej 19.7 përqind në krahasim me vitin e kaluar.

Gratë janë shumicë në Zvicër. Në 100 gra ka 94 burra. Mosha mesatare e Zvicrës është 44 vjet, i të huajve është 37 vjet.