Chur: Një merimangë prej gome mobilizon policinë!

Por, shpejt u konstatua se merimanga përveç se kishte qenë një imitacion, po ashtu nuk i takonte llojit helmues të tyre

Një alarm për merimangat e mëdha helmuese ka mobilizuar dje në Chur të Graubündenit jo vetëm policinë por janë thirrur për ndihmë edhe ekspertët e merimangave!

Një punëtor i një firme të atjeshme e ka ngritur alarmin kur ka parë nën një grumbull drush një merimangë të tillë, të njohur si helmuese. Por, kur patrulla e policisë dhe eksperti filluan “aksionin”, shpejt u konstatua se merimanga e frikshme kishte qenë një imitacion, lodër prej gome! Dhe jo vetëm kaq: merimangat e tilla edhe të gjalla, nuk i përkisnin llojit të merimangave të rrezikshme.

Sidoqoftë, specialisti i merimangave e shfrytëzoi këtë aksion që t`u japë të pranishmëve një leksion të shkurtë rreth asaj se si duken dhe si mund të kapen merimangat e mëdha helmuese.