Tre të plagosur, pas sulmit në YouTube

Një grua, para se të bënte vetëvrasje, ka plagosur tre persona në selinë e platformës YouTube në Kaliforninë Veriore.

Sipas medieve amerikane, sulmuesja quhej Nasim Aghdam dhe incidenti, sipas policisë, ndodhi shkaku i një grindjeje familjare. Një burrë 36-vjeçar është në gjendje kritike dhe ishte i dashuri i saj, kanë njoftuar mediat.

Dy gra të tjera të plagosura janë në gjendje stabile, përcjell albinfo.ch.

Por motivi i sulmit, sipas policisë, ende duhet të konfirmohet. Policia njoftoi se sulmuesja kishte shkuar në restorantin e zyrës në San Bruno afër San Franciscos në kohën e drekës dhe hapi zjarrin. Dhe punëtorët e frikësuar shpejt kanë ikur nga objekti me duart lart. Sulmuesja përndryshe është 39-vjeçare, me prejardhje iraniane. Ajo shpesh paraqitej në YouTube dhe në njërën prej videove të postuara e kishte kritikuar platformën për diskriminim ndaj saj dhe filtrim të postimeve të saj.