Shtrenjtohen banesat dhe qiraja e banimit

Sipas BWO, ngritja e çmimeve të qirave për banesa vjen në radhë të parë si pasojë e imigracionit

Gjatë vitit të kaluar gjetja e një banese me qira në Zvicër është bërë edhe më e vështirë se që kishte qenë më parë. Ndërtimet e shumta që po bëhen gjithandej viteve të fundit nuk kanë mundur të mbulojnë kërkesën e madhe për banesa. Kjo ka bërë që gjate vitit 2011 të rriten për 3 për qind çmimet për qiratë e banesave, njofton Zyra Federale për çështje të banimit, BWO.

Oferta për banesa është reduktuar në të gjitha kategoritë e çmimeve. Vetëm Zvicra Qendrore dhe Tesina bëjnë përjashtim nga trendi i rritjes së çmimeve në fjalë.

Sipas BWO, ngritja e çmimeve të qirave për banesa vjen në radhë të parë si pasojë e imigracionit, sidomos në Zvicrën Perëndimore dhe në atë qendrore.

Edhe blerja e banesave është bërë “biznes” më i shtrenjtë gjatë vitit që shkoi. Kështu, në regjionin e Cyrihut gjatë vitit 2011 blerja e një banese ka kushtuar mesatarisht 7.3% më shtrenjtë se një vit më parë ndërsa në Zvicrën perëndimore 5.8 % më shtrenjtë. Mesatarja për gjithë Zvicrën është 4.5%.

Por ndryshe nga qiraja e banesave, çmimi i banesave në shitje nuk është ndikuar nga imigracioni. Sepse, sipas BWO-së, vetëm 6% e banesave private në Zvicër u takojnë shteasve të huaj.