Katari kundër Arabisë Saudite: Dueli në Detin e Kuq

Për Arabinë Saudite Katari, Irani dhe Turqia përbëjnë “trekëndëshin e së keqes”. Në Detin e Kuq, pranë Sudanit, Doha dhe Ankara po investojnë një port strategjik - atje pritet konflikti i ardhshëm me Arabinë Saudite, shkruan “Der Spiegel”.

Në të ardhmen Muhamed Bin Salman kërkon të ndërtojë një qytet digjital Neom, prej 500 miliard dollarësh, që Saudia të pavarësohet nga nafta. Projekti gjigant do ndërtohet në ishujt strategjik Tiran dhe Sanafir, në veri të Detit të Kuq. Në Sudan, direkt pranë kufirit me Egjiptin, Katari ka blerë ishullin Savakin ku do investojë 4 miliard dollarë.

Në Savakin do ndërtohet një zonë turistike, por edhe port ushtarak me ndihmën e Turqisë, që e paraqet si port osman. Këto janë lajme të këqija për Muhamed bin Salman (MBS), i cili gjatë vizitës në Kajro të Egjiptit, Katarin dhe Turqinë e quajti si Trekëndësh i së Keqes, sëbashku me Iranin, për shkak se dy të parat bashkëpunojnë me Teheranin.