Dy të vdekur nga aksidenti i aeroplanit gjatë një spektakli ajror

Fluturakja e vogël gjatë nisjes nuk mundi të bënte shkëputjen nga toka, kështu që u përplas në një urë metalike në fund të shtegut për nisje

Në një spektakël ajror në Arosa, Kantoni Graubünden, pasditen e të shtunës ka ndodhur një aksident me ç`rast kanë humbur jetën dy persona.

Siç bën të ditur Policia Kantonale e Graubündenit, fluturakja e vogël gjatë nisjes nuk mundi të bënte shkëputjen nga toka, kështu që u përplas në një urë metalike në fund të shtegut për nisje, shkruan srf.ch.

Nga kjo përplasje, avioni shpërtheu në flakë dhe përkundër ndërhyrjes dhe fikjes së shpejtë të zjarrit, pësoi vdekje në vend udhëtarja 69 vjeçare në aeroplan, transmeton albinfo.ch. Ndërsa piloti 73 vjeçar i cili mori lëndime të rënda, u transportua nga Rega për në spitalin Kantonal në Chur, prej nga pastaj u dërgua në Spitalin Universitar të Cyrihut. Përkundër përpjekjeve të stafit, ai vdiq gjatë natës së mbrëmshme.

Të dy viktimat vijnë nga Zvicra e Mesme, njofton policia.