Kujtohen të rënët në masakrat e fshatrave Celinë, Fortesë dhe Brestovc

Kryeministri i Kosovës, Ramush Haradinaj, ka kujtuar masakrën e fshatrave Celinë, Fortesë dhe Brestovc, ku u vranë shumë kosovarë.

“I kujtojmë sot me dhimbje dhe krenari 75 martirët e Celinës, 69 martirët e Fortesës dhe 49 martirët e 5 dëshmorët e Brestocit. Të rënët në këtë tokë janë dëshmi se sa e shtrenjtë është liria dhe do të jetojnë në kujtesën e popullit gjithmonë”, ka shkruar Haradinaj në Facebook, përcjell albinfo.ch.

Edhe shefi i grupit parlamentar të LDK-së, Avdullah Hoti, ka kujtuar masakrat në fshatrave Celinë, Fortesë dhe Brestovc të Rahovecit të kryera 19 vjet më parë.

“Ditët e para të pranverës janë të dhimbshme për shumë familje të Rahovecit. Sot përkujtohen të rënët në Fortesë, Celinë e Brestovc, e në ditët e ardhshme në Krushë, më vonë në Pastasel e plot fshatra të tjera”, shkruan Hoti.