Akili i artë në Paris

Xhudistët nga Kosova vazhdojnë të korrin suksese në arenën ndërkombëtare, shkruan albinfo.ch.

I fundit është Akil Gjakova, i cili ka fituar medaljen e artë në Grand Slamin e Parisit, një sukses i jashtëzakonshëm për të dhe sportin kosovar.

Në kategorinë 73 kilogramë ai ishte i pandalshëm duke rrëmbyer të artën në Paris. Ai në finale e mposhti gjeorgjianin Lasha Shavdatuashvilli me Wazaari.

Trajneri i tij, Driton Kuka, e ka cilësuar këtë sukses si të jashtëzakonshëm. “Mbreti i Parisit që flet Shqip sonte! Dhurata për 10 vjet shtet! Akili i artë në Grand Slam Paris! Kampioni Olimpik i gjunjëzuar në finale”, ka shkruar Kuka në rrjetet sociale.

Distria Krasniqi më herët kishte fituar medaljen e bronztë, derisa Majlinda Kelmendi nuk ka marrë pjesë.