Kosova do të përfaqësohet me tetë boksierë në turneun ndërkombëtar të Sarajevës

Federata e Boksit e Kosovës po vazhdon aktivitetet e saj në garat ndërkombëtare, ndërsa radhën e ka pjesëmarrja në turneun prestigjioz të boksit “Mustafa Hajrulahoviç – Talijan”, i cili do të mbahet në Sarajevë të Bosnjë e Hercegovinës nga 28 korriku deri më 1 gusht 2026.

Në këtë kompeticion, ekipi përfaqësues i Kosovës do të garojë me tetë boksierë, të cilët do të synojnë rezultate sa më të mira dhe do të prezantojnë vendin në kategoritë përkatëse.

Pjesë e ekipit kosovar do të jenë:

Bashkim Bajoku (55 kg)

Shpëtim Bajoku (70 kg)

Taulant Jakupi (85 kg)

Riad Isufi (55 kg)

Lindor Shala (65 kg)

Erdi Aliu (65 kg)

Ensar Badallaj (70 kg)

Flori Tarani (75 kg)

Delegacioni i Kosovës do të udhëhiqet nga trajneri Shefki Bogujevci, ndërsa gjyqtari ndërkombëtar Latif Demolli do të jetë përgjegjës për ndarjen e drejtësisë në këtë turne. Demolli do të ketë gjithashtu rolin e udhëheqësit të delegacionit kosovar (Team Leader) gjatë garës.