Shqipëria
Ambasadori zviceran, ‘Qytetar Nderi’ i Beratit
Për kontribut të vlefshëm dhe rol aktiv në mbështetje të projekteve të zhvillimit për qytetin e Beratit dhe për forcimin e marrëdhënieve miqësore midis Zvicrës dhe Shqipërisë
Kryetari i Bashkisë së Beratit, Petrit Sinaj mbajti ceremoninë për dhënien e titullit ‘Qytetar Nderi’ ambasadorit zviceran në Shqipëri, Christoph Graf.
Këshilli bashkiak votoi më 15 dhjetor 2017 në mënyrë unanime për t’i dhënë titullin ambasadorit zviceran me motivin: ‘për kontribut të vlefshëm dhe rol aktiv në mbështetje të projekteve të zhvillimit për qytetin e Beratit dhe për forcimin e marrëdhënieve miqësore midis Zvicrës dhe Shqipërisë’, përcjell albinfo.ch.
“E marr këtë titull sot si një shenjë të mirënjohjes nga Këshilli Bashkiak i Beratit për kontributin e qeverisë time dhe punën që ajo ka bërë përmes bashkëpunimit për zhvillim në vitet e fundit për të përmirësuar cilësinë e jetës së qytetarëve në këtë rajon”, tha ambasadori zviceran ndërsa mori titullin. “Duke filluar nga sot qyteti historik i Beratit është në njëfarë mënyre qyteti im i dytë”, tha ambasadori Graf.
Kryebashkiaku Petrit Sinaj në fjalën e tij përmendi faktin që gjatë qëndrimit në Shqipëri, ambasadori Graf ka dhënë maksimumin për projektet dhe fondet e bashkëpunimit që përmirësojnë infrastrukturën dhe mundësitë e rajonit të Beratit. Ai lëvdoi në veçanti përkushtimin e palodhur dhe rolin e luajtur nga ambasadori Graf për t’u siguruar për progresin e projekteve zvicerane të investimeve në këtë zonë. Së bashku me Kryetaren e Këshillit
Pas ceremonisë kryebashkiaku shoqëroi të ftuarin zviceran në një garë vrapimi të fëmijëve në qendrën e Beratit dhe më vonë në një vizitë tek ndërmarrja e ujësjellësit e cila po ndërmerr rinovim përmes një fondi zviceran.
Qytetarë të tjerë nderi të Beratit përfshijnë arkeologun dhe historianin Moikom Zeqo, gazetarin Ilir Konomi, dhe shkrimtaren Xhanfize Keko (pas vdekjes).
Fondet e bashkëpunimit zviceran janë aktive në Berat në formën e promovimit të turizmit dhe punësimit, rehabilitimit të furnizimit me ujë dhe prezantimit të modeleve të reja për menaxhimin e mbetjeve. Pothuaj 6 milion Euro janë përkushtuar për ndërhyrje të ndryshme që synojnë përmirësimin e cilësisë së jetës.
Të tjera nga Shqipëria
E-Diaspora
-
Kryediplomati shqiptar, Igli Hasani, takon homologun e tij nga Zvicra, Ignazio Cassis Takim i shkëlqyer me homologun zviceran, Ignazio Cassis, e ka cilësuar ministri i Jashtëm i Shqipërisë,...
-
Gjon’s Tears në intervistë për median zvicerane, flet për Kosovën
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri