Ambasadorët e QUNIT-it kërkojnë nga liderët që ta mbajnë fjalën për Specialen

Ambasadorët e vendeve të QUNIT-it, përmes një deklarate të përbashkët, kanë mirëpritur deklaratat e fundit të udhëheqësve politikë kosovarë, të cilët thanë se kanë hequr dorë nga përpjekjet për të shfuqizuar Dhomat e Specializuara, përcjell albinfo.ch.

“Presim nga udhëheqësit e Kosovës të mbajnë fjalën e tyre, kurse nga institucionet e Kosovës presim që ta nderojnë këtë gatishmëri. Vetëm duke mbështetur sundimin e ligjit dhe duke siguruar drejtësi për të gjitha viktimat, Kosova mund ta afirmojë pjekurinë e saj si shtet dhe gatishmërinë për t’u integruar tërësisht në Evropë dhe komunitetin ndërkombëtar”, thuhet në deklaratën e përbashkët.