Vazhdon dominimi i filmit “Jumanji: Welcome To The Jungle”

Filmi “Jumanji: Welcome to the Jungle”, në të cilin luan edhe aktori Dwayne Johnson, vazhdon të prijë në arkat filmike amerikane.

Filmi, produkt i “Sony Pictures”, fitoi 11 milionë dollarë të tjerë nga e premtja deri të dielën, përcjell albinfo.ch.

Kështu, fitimet e filmit “Jumanji: Welcome to the Jungle” arrijnë në më shumë se 350 milionë dollarë. Në vendin e dytë renditet filmi ‘Maze Runner: The Death Cure’.

Këtë javë filmi arkëtoi 10.2 milionë dollarë. Me 9.25 milionë dollarë fitime, “Winchester”, në të cilin luan edhe Helen Mirren, renditet i treti. I katërti renditet filmi “The Greatest Showman”.

Listën prej 5 filmave me përfitimet më të mëdha e mbyll filmi “Hostile”, me 5.5 milionë dollarë të fituar në këtë fundjavë.