Duan rritje pagash, edhe kirurgët e Ferizajt në grevë

Reparti i Kirurgjisë së Spitalit Rajonal në Ferizaj do të hyjë në grevë nga dita e nesërme.

Kolegjiumi i Kirurgjisë të Spitalit Rajonal Ferizaj, në mbledhjen e mbajtur sot, ka marrë vendim unanim që t’i bashkëngjiten grevës së Kirurgëve të filluar në QKUK dhe të kirurgëve e spitaleve Rajonale, përcjell albinfo.ch. “Greva ka të vetmen kërkesë ka rritjen e koeficientit të pagës për kirurg dhe konform kësaj rritjen e pagës”, thuhet në njoftimin e tyre.

Ata thonë se e përkrahin grevën e kolegëve të tyre. “Shprehim keqardhjen tonë që gjatë kohës së grevës nuk do të mund të ju ofrojmë shërbime pacientëve tanë”, thuhet tutje.

Gjatë grevës do të ndërpriten operacionet efektive, kurse shërbimet nuk ndërpriten për raste urgjente.