Rita flet për Kosovën në emisionin amerikan

(KEYSTONE/DPA/Britta Pedersen)

Kosova ka qenë një prej temave për të cilat ka folur këngëtarja me famë botërore, Rita Ora, në një emision amerikan.

Për “Live Kelly and Ryan”, Ora ka folur për largimin e saj nga Kosova në moshën njëvjeçare dhe për jetën e vështirë në fillim sa ishte në Angli me familjen, transmeton Albinfo.ch.

“Është vend i vogël. Ka 2.3 milionë njerëz. Është në Evropën Lindore. Unë kam shkuar në Londër kur isha njëvjeçare. Prindërit e mi s’dinin aspak anglisht dhe e nisën një jetë të re për ne. Nëna ime është një heroinë. U diagnostikua me kancer të gjirit, tani është mirë. Studioi për psikiatri dhe mësoi anglishten në atë kohë”, ka thënë Rita.

Ajo ka folur edhe për biznesin e babait të saj, që mban një lokal në Londër.