Rashica prezantohet në Gjermani, shpreh ngazëllimin e tij

Ylli kosovar, Milot Rashica, është prezantuar te skuadra e re, Werder Bremen, dhe ka nisur ushtrimet me pjesën tjetër të skuadrës.

Dje klubi i njohur gjerman njoftoi për marrëveshjen me Vitessen për transferimin e 21-vjeçarit, ndërsa sot ka treguar se futbollisti ka marrë fanellën me numrin 11.

“Për mua, kalimi te Werderi është hap i madh. Jam i bindur se së shpejti mund të përmirësojmë situatën tonë si ekip dhe që unë personalisht të zhvillohen në mënyrën më të mirë të mundshme”, ka thënë Rashica pas prezantimit te gjermanët, transmeton Albinfo.ch.

Rashica ishte te Vitesse që nga viti 2015, ndërsa para Vitesses luajti te Vushtrria.