Sulmuesi kuqezi transferohet në Spanjë

Ndeshja e parë për të është kundër Real Madridit

Armando Sadiku ka bërë hapin më të madh në karrierën e tij. Ai nga Legia e Varshavës është transferuar në Levante, që garon në La Liga të Spanjës, shkruan albinfo.ch.

Sadiku ka nënshkruar kontratë me skuadrën spanjolle deri në verë të vitit 2020.

Sulmuesi shqiptar ka luajtur në disa liga më herët, si në Zvicër dhe Poloni, kurse është pjesë e rëndësishme e Kombëtares shqiptare dhe do të mbahet mend për golin që i shënoi Rumanisë në Kampionatin Evropian.

Ai befasoi të gjithë me kalimin në Spanjë, kurse lajmi u konfirmua nga të gjitha palët, derisa skuadra spanjolle, i uroi mirëseardhjen me një video me disa nga golat e tij.

Interesant është fakti se ndeshja e radhës për Sadikun dhe skuadrën e tij të re do të luhet kundër gjigantëve spanjollë dhe evropianë, Real Madridit, më 3 shkurt, në orën 20:45.