Katy Perry thotë se është viktimë e rrjeteve sociale

Ajo po ashtu ka inkurajuar fansat e saj që të mos merakosen për rrjete sociale dhe të shkojnë ‘live’ në jetët e tyre

Këngëtarja amerikane, Katy Perry, ka thënë se është viktimë e rrjeteve sociale, për shkak të presionit të shoqërisë që të shpërndajë gjithçka ‘online’.

Ylli botëror ka thënë se Instagrami dhe Twitteri janë dëshmi e “rënies së civilizimit”.

Ajo po ashtu ka inkurajuar fansat e saj që të mos merakosen për rrjete sociale dhe të shkojnë ‘live’ në jetët e tyre.

Perry ka mbi 68 milionë ndjekës në Instagram dhe 108 milionë ndjekës në Twitter, por thotë se me qejf nuk do të dokumentojë gjithë jetën e vet në rrjete sociale.

“Është e vështirë sepse më me qejf nuk do të kujdesesha për këtë dhe do të jetoja jetën time. Ne blejmë rroba dhe produkte ose fotografojmë një rrugë ose shkojmë në një vend për të realizuar fotografi – nuk është mirë për ne si shoqëri”, ka thënë ajo për “Refinery29”. “Mendoj se është rënie e civilizimit nëse shkojmë në ekstrem me këtë”.

33-vjeçarja nuk është ylli i parë që flet për presionin e rrjeteve sociale. Në të kaluarën një gjë të tillë e kishin bërë edhe Selena Gomez e Justin Bieber.