Pink merr pjesë në Super Bowl

Performanca e Pink në stadiumin Bank në Minneapolis do të ndodhë disa javë pas paraqitjes në ndarjen e shpërblimeve Grammy

Këngëtarja Pink, do të këndojë himnin kombëtar këtë vit në Super Bowl. Këngëtarja 38-vjeçare do të marrë pjesë në performancën më patriotike të vitit, derisa finalja e futbollit amerikan do të luhet më 4 shkurt.

Performanca e Pink në stadiumin Bank në Minneapolis do të ndodhë disa javë pas paraqitjes në ndarjen e shpërblimeve Grammy. Në performancë shumë të veçantë asaj do t’i bashkohet aktorja e regjisorja Alexandria Wailes, e cila do të performojë himnin për nder të Asociacionit Kombëtar të të shurdhërve.

Himni kombëtar amerikan paraprakisht ishte kënduar nga yjet si Lady Gaga, Alicia Keys, Whitney Houston, Beyonce apo Christina Aguilera. E, për herë të tretë në pushimin mes dy pjesëve të finales do të performojë Justin Timberlake. 36-vjeçari vetë njoftoi për këtë në profilin e tij në Twitter.