Rama: Beteja për drejtësinë ndau rrugët tona me LSI-në

"Ne rrezikuam qeverinë, por nuk lejuam që të rrezikohej reforma në drejtësi dhe u përpoqën ta mbajmë gjallë aleancën për “Shqipërinë Europiane” pa e kompromentuar reformën në drejtësi"

Kryeministri i Shqipërisë Edi Rama ka marrë pjës në Asamblenë Kombëtare të Partisë Socialiste ku ka deklaruar se çështja për drejtësinë ndau politikën në dy kampe. Ai tha se nga njëra anë kampi i reformistëve i PS dhe i të gjithë atyre që e duan reformën do të shkojë deri në fund dhe kampi tjetër, i të tremburve nga reforma.

“Ne rrezikuam qeverinë, por nuk lejuam që të rrezikohej reforma në drejtësi dhe u përpoqën ta mbajmë gjallë aleancën për “Shqipërinë Europiane” pa e kompromentuar reformën në drejtësi. Në fund, qëndrimi ynë i qartë dhe i prerë për të mos e kompromentuar këtë reformë ndau edhe rrugët tona nga aleati ynë i mandatit të parë”, theksoi Rama.

Kryeministri u shpreh se nga brenda Shqipërisë po kërcënohet çelja e negociatave brenda Shqipërisë.