Tërmet në Tiranë dhe Mal të Zi

Një tërmet është ndjerë pak minuta më parë në Tiranë, raportojnë mediat vendore.

Lëkundjet ishin të moderuara dhe zgjati pak sekonda duke shkaktuar vetëm panik tek qytetarët, përcjell albinfo.ch.

Mësohet se brenda një intervali të shkurtër kohor kanë rënë dy tërmete.

Akoma nuk dihet epiqendra e tij, por krahas Tiranës tërmeti është ndjerë edhe në qytetet e veriut të Shqipërisë.

Tërmeti është ndjerë edhe në Prishtinë dhe disa qytete të tjera të Kosovës.

Ndërkohë, një tërmet me forcë 5.2 shkallë të riterit e ka dridhur sot Malin e Zi.

Siç njofton gazeta malazeze “Vijesti” epiqendra e tërmetit ishte në afërsi të Plavës në malin Visitor.

Tërmeti ka shkaktuar panik në Plavë, Guci, Andrijevicë, Beran, Podgoricë dhe në qytetet tjera. Në Beran shumë qytetarë të shqetësuar kanë dalë në rrugë.