Gjendet nëndetësja e Luftës së Parë Botërore

“HMAS AE-1” ishte nëndetësja e parë e Aleatëve e humbur në Luftën e Parë Botërore, e cila u zhduk në Papua New Guinea me 35 australianë e britanikë në bord, më 14 shtator 1914

Mbetjet e nëndetëses së parë australiane janë gjetur pas 103 vjetësh kërkimi.

“HMAS AE-1” ishte nëndetësja e parë e Aleatëve e humbur në Luftën e Parë Botërore, e cila u zhduk në Papua New Guinea me 35 australianë e britanikë në bord, më 14 shtator 1914.

Hulumtimi i 13-të për anijen gjeti se ajo ishte në ishullin Duke of York të Papua New Guineas.

“Kjo është një prej zbulimeve më të rëndësishme në historinë detare të Australisë”, ka thënë ministrja e Mbrojtjes, Marise Payne, transmeton Albinfo.ch.

Ekipi hulumtues e gjeti anijen përmes një droni nënujor. Mbetjet u gjetën në thellësi prej 300 metrash.

Lokacioni i saktë nuk është treguar publikisht për shkak të mbrojtjes së nëndetëses, por raportohet se ajo ka mbijetuar si një copë.