Kurani shpërndahet edhe në Zvicër

Aksioni është paralajmëruar në Cyrih, Bazel, Aargau, St Gallen dhe Winterthur

Pas aksionit të diskutuar në Gjermani të salafistëve islamikë, shpërndarja falas e ekzemplarëve të Kuranit ka filluar edhe në Zvicër. Aksioni është paralajmëruar në Cyrih, Bazel, Aargau, St Gallen dhe Winterthur.

Iniciatorët e këtij veprimi sipas gazetës të së dielës “NZZ am Sonntag”  janë furnizuar me 14 mijë kopje të Kuranit nga kolegët e tyre në Gjermani.

Këshillit Qendror Islamik (ICCS) në Zvicër është distancuar nga një aksion i tillë.”Kurani nuk është fletushkë. Shpërndarja e tillë nuk ka kuptim”, ka thënë një zëdhënës i  ICCS-së.

Protagonistët e këtij aksioni në Zvicër thanë për “NZZ am Sonntag” se nuk pretendojnë të sjellin grindje fetare, por vetëm t’u ofrojnë të tjerëve më shumë sqarime për Islamin. Yusuf, F tha  të jenë të pavarur duke mohuar ndërlidhjet me grupet islamike në Gjermani.

Në Gjermani, shpërndarja e Kuranit nga Salafistët ishte kritikuar ashpër nga autoritetet.