Bota
Linjat ajrore, 100 milionë euro borxh pasagjerëve
![](https://www.albinfo.at/wp-content/uploads/2017/12/326241875-587x392.jpg)
Pritjet e gjata, fluturimet e vonuara dhe të anuluara janë një tmerr për udhëtarët. Megjithatë, pasagjerët mund të kërkojnë kompensim nga linjat ajrore.
Këtë vit, më shumë se 276.000 pasagjerë nga Zvicra kanë të drejtë në rreth 100 milionë franga për vonesat dhe anulimet e fluturimeve, sipas Airhelp.
Pasagjerët kishin planifikuar të fluturonin nga aeroportet e Cyrihut, Gjenevës dhe Bazelit dhe ishin prekur nga anulimet ose vonesat për të paktën tri orë. Për udhëtarët që fluturojnë nga Zvicra, aeroporti i Londrës “Gatwick” ishte shkaku më i zakonshëm i vonesave dhe anulimeve.
Kompensimi ende nuk është paguar nga linjat ajrore. Edhe pse nga vonesat dhe anulimet kanë të drejtën e kompensimit deri në 600 euro, sipas rregullave evropiane. Sipas Airhelp, shuma varet edhe nga gjatësia e itinerarit të fluturimit. Brenda Evropës kompensimi prej 250 deri në maksimum 400 euro është i mundur.
Megjithatë, kompensimi nuk paguhet automatikisht. “Linjat ajrore nuk vijnë vetë te udhëtarët”, thonë në Airhelp, shkruan albinfo.ch. Kjo do të ishte shumë e shtrenjtë për linjat ajrore.
Sipas renditjes ajrore të Airhelp, për sezonin e dimrit 2016/2017, “Singapore Airlines” është renditur numër një në aspektin e cilësisë së shërbimeve, saktësisë dhe trajtimit të kërkesave për kompensim. Zvicra është vetëm e 26-ta në këtë radhitje.
Si duket, udhëtarët duhet të jenë aktivë nëse dëshirojnë të marrin paratë e tyre. Por, kjo ndodh rrallë herë. “Në Evropë, për shembull, vetëm 2 për qind e pasagjerëve të dëmtuar pretendojnë kompensimin”, thonë në Airhelp. Shumica e udhëtarëve nuk janë të informuar se ata kanë të drejtë ta bëjnë këtë. “Ata nuk i njohin të drejtat e tyre”, thotë Strässle nga Airhelp. Prandaj, ai u kërkon udhëtarëve të informohen për të drejtat e tyre.
Airhelp ka bërë një model biznesi: Kompania u ofron udhëtarëve në mbarë botën për të mbledhur kompensimin e tyre ligjor. Nëse është e suksesshme, Airhelp do të ngarkojë klientët e saj me një tarifë prej 25 për qind në kuadër të shumës që paguan kompania ajrore. Kostoja e biletës mund të rimbursohet nëse kërkohet. Normalisht, linjat ajrore në këtë drejtim do të ishin më të buta në kompensimin e udhëtarëve, tha Strässle, përcjell albinfo.ch.
E-Diaspora
-
Ndahet nga jeta psikiatri, Dr. med Sami Dalipi Ka vdekur sot në moshën 62 vjeçare, spitalin e Lucernit Dr. Sami Dalipi, mjek dhe doktor...
-
Shënohet Dita ndërkombëtare e remitencave, Kosova ka rritje ndër vite
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë