Veliaj thotë se diaspora shqiptare është shumë e rëndësishme

“Unë jam shqiptar” është ekspozita e hapur në Tiranë, kushtuar diasporës, me rastin e Ditës Ndërkombëtare të Emigrimit.

Kryetari i Tiranës, Erion Veliaj, në ceremoninë e hapjes theksoi se kjo ekspozitë vjen si një mirënjohje ndaj të gjithë atyre shqiptarëve që, nisur nga shkaqe dhe periudha të ndryshme, kanë vendosur që jetën ta organizojnë në një vend tjetër, duke ruajtur traditat dhe zakonet shqiptare, përcjell albinfo.ch.

Veliaj u ndal edhe te roli dhe rëndësia që qeveria i ka dhënë shqiptarëve që jetojnë dhe punojnë jashtë Shqipërisë, ku ka veçuar emërimin e një ministri për diasporën, si dhe promovimin e diplomacisë ekonomike.

Për ti dhënë shqiptarëve vlerësimin dhe rëndësinë e duhur edhe në vendimmarrje që ndodhin në Shqipëri, kreu i Bashkisë së Tiranës vlerësoi si mjaft të rëndësishme dhënien e të drejtës për të votuar atje ku jetojnë dhe punojnë.