Lejohet transferim i të dhënave të pasagjerëve

Tash e tutje nëse udhëtoni nga Evropa për në SHBA, të dhënat tuaja personale, si emri dhe mbiemri, numrat e telefonit dhe të kredit kartelës, preferenca ushqimore e gjendja shëndetësore,  do të transferohen në Departamenin Amerikan të Sigurisë Kombëtare.

Kështu ka vendosur Parlamenti Evropian duke miratuar një marrëveshje kundërthënëse që mundëson transferimin e të dhënave të pasagjerëve që udhëtojnë me aeroplanë për në SHBA.

Marrëveshja vlen për secilën kompani që kryen fluturime mes BE-së dhe SHBA-së.

Mbështetësit thanë se ky është një hap jetik në luftën kundër terrorizmit, por, disa frikësohen se informacionet mund të përdoren për qëllime tjera të paspecifikuara, të cilat mund të prekin të drejtat civile.

Kritikët thonë se shumë pikëpyetje mbesin se si do të përdoren informacionet, sa gjatë do t’i mbajë ato SHBA dhe kush ka qasje në to.