Dua Lipa vazhdon me ngjitje në top-listën amerikane, hyn në top-dhjetë

Ajo ka arritur të dalë në pozitën e nëntë nga e 11-a sa ishte javën e shkuar. Kënga e saj shënoi rritje 13 për qind te dëgjuesit në SHBA

Këngëtarja kosovare Dua Lipa po vazhdon të shënojë suksese me hitin “New Rules”.

Pas shumë sukseseve nëpër Evropë, Lipa tani ka siguruar një vend në top-dhjetëshe të zhanrit pop në top-listën e “Billboard”, transmeton Albinfo.ch.

Ajo ka arritur të dalë në pozitën e nëntë nga e 11-a sa ishte javën e shkuar. Sipas “Billboard” kënga e saj shënoi rritje 13 për qind te dëgjuesit në SHBA.

Në top-100 këngët, “New Rules” tani është e 17-a.