Kroacia në zonën Schengen

Në mbledhjen e vet plenare në Strasburg, Parlamenti Evropian ka përkrahur hyrjen e Kroacisë në zonën Schengen, raportojnë mediat vendase.

Megjithatë, hyrja, sipas asaj që presin evroparlamentarët kroatë, mund të ndodhë në vitin 2019.

Baza kryesore e propozimit të këtij ndryshimi të madh në sistemin e hyrjes e daljes nga BE është se në Union nuk duhet të ketë shtete të rendit të dytë dhe se për këtë arsye propozohet që zona Schengen të zgjerohet edhe në Bullgari, Rumani e Kroaci.

Nga Kroacia tani pritet që deri në fund të vitit të ardhshëm të plotësojë të gjitha kriteret për t’u bërë anëtare e zonës Schengen.