Lavdrim Sylejmani, kandidat për Mister 2012

Në mesin e 14 kandidatëve në këtë garë në Zvicër është edhe kosovari, Lavdrim Sylejmani

Më 26 Gusht 2012, në Zvicër do të organizohet spektakli i bukurisë për të zgjedhur misterin e vitit 2012, pasardhësin e zviceranit Luca Ruch. Në mesin e 14 kandidatëve në këtë garë në Zvicër është edhe kosovari, Lavdrim Sylejmani.

Kandidati për Mister 2012 kishte migruar me familjen në Zvicër në moshën tre vjeçare. Tani ai jeton me familje në Pregassona të Tesinës.

23-vjeçari nga Kosova studion ekonominë ndërsa e ka hobi futbollin, tenisin, volejbollin, fotografimin dhe udhëtimin.

Në portretin e publikuar në mediet zvicerane, Lavdrimi  thotë se ruan në kujtesë pushimet në SHBA me të dashurën e tij, kurse e kishte përjetuar rëndë kohën, kur babi i tij ishte shtrirë për dy javë në kujdesin intensiv me probleme të zemrës. “Unë e kam përjetuar rënd, kur babai im ishte shtrirë në mesin e të gjitha aparateve “, thotë Lavdrimi

Lavdrim Sylejmani kishte hyrë në konkurrencën e ngushtë për Mister 2012 në një garë të fortë prej 100 pretendentëve.

Lavdrimi kërkon ndihmën e të gjithëve për ta mbështetur në këtë garë.

Tashmë, ju mund të votoni për Lavdrimin nëpërmjet SMS-ave në 919 me  tekst, p.sh:”MR Lavdrim”.