“Plani Maghreb” nxit kthimin vullnetar nga Zvicra

"Plani Maghreb", është një projekt pilot i zhvilluar nga Kantoni i Gjenevës, i cili si duket do të nxit shumë debate në Zvicër

Për të inkurajuar kthimin vullnetar të shtetasve nga Maghrebi, të cilët kanë shkelur ligjin disa herë në Zvicër, kantonet  do ta kenë mundësinë e financimit të kthimit dhe trajnimit të tyre profesional në vendin e tyre.  

Projekti i ashtuquajtur “Plani Maghreb”, është një projekt pilot i zhvilluar nga Kantoni i Gjenevës, i cili si duket do të nxit shumë debate në  Zvicër.

Çdo ditë paraburgimi kushton 400 deri 450 franga, kurse ndihma për rehabilitimin profesional  kushton maksimum 4000 franga, ka treguar për mediat zvicerane, të enjten, Isabel Rochat,  këshilltare e shtetit të Gjenevës. Rochat theksoi se ky projekt tashmë është krijuar në Gjenevë.  

Shtetasit e Maghrebit marrin 1000 franga kur ata hynë në aeroplan,  me të cilin kthehen në vendlindje. Pas mbërritjes, këto para përdoren për trajnimin e tyre profesional, shpjegon  Rochat, ministre kantonale, përgjegjëse për siguri.

“Nëse arrijnë të vulosin qëndrueshmërinë e projektit të tyre në  një organizatë jo-qeveritare në vendin e tyre, këta persona marrin edhe 3000 franga”, tregon ajo


.

Jo me paratë e taksapaguesve

Sipas Rochat, një numër i kthimeve tashmë është realizuar dhe shtetasit e Afrikës Veriore nuk janë kthyer më.  

Do të mund të përfitojnë nga një mase e tillë vetëm autorët që përsërisin shkeljen e ligjit dhe që janë të pranishëm në Gjenevë vite me radhë,  shpjegon këshilltarja e Shtetit.

“Ky hap është një masë e përkohshme në pritje të nënshkrimit të marrëveshjeve për ripranim nga shteti përkatës, dhe është i domosdoshëm për shkak të mbipopullimit të burgjeve të Gjenevës”, nënvizon  Rochat.

Gjithashtu, ajo ka rikujtuar se krimi në rrugë është bërë i pa durueshëm për qytetarët  e Gjenevës.

“Projekti financohet nga fondi i të  ardhurave të policisë, dhe në asnjë mënyrë me takspagesat  e qytetarëve”, ka bërë të ditur mënyrën e financimit, Rochat.

Projekti  mund të zhvillohet edhe në kantone tjera. 

Këshilltarja Federale, Simonetta Sommaruga tashmë e ka miratuar projekti. Të enjten, drejtori i Entit federal për Migrim, Marion Gattiker, prezantoi projektin para drejtorëve kantonalë për drejtësi dhe polici.

Sipas Isabel Rochat, me këtë po synohet të ndërtohet një model që do të aplikohet edhe në kantone tjera të Zvicrës.