Bota

Dy aeroplanë Boeing shiten online për 48 milionë dollarë

E mërkurë, 22 Nëntor 2017 - 23:15 albinfo.ch

Dy aeroplanë Boeing 747 janë shitur në një dyqan kinez online “Taobao” për më shumë se 48 milionë dollarë.

Avionët ishin pronë e një kompanie që falimentoi dhe gjykata që u mor me këtë rast është përpjekur t’i shesë ata qe disa vjet.

Gjashtë ankande të tjera dështuan dhe u detyrua një shitje online.

Ofruesi më i lartë ishte “SF Airlines” që mposhti 25 kompani të tjera të interesuara.

“Taobao” është uebfaqe e ngjashme e shitjeve sikurse “eBay”.

Aeroplanët, ishin në Shangai dhe Shenzhen që nga viti 2013, prej kur kompania “Jade Cargo International” falimentoi në shtator të atij viti.

Është edhe një tjetër aeroplan i tillë që nuk është shitur, por për të ishte vetëm një person i regjistruar në ankand.

 Të tjera nga Bota

Cilat vende në Evropë kanë pjesën më të madhe të banorëve të huaj?

 E-Diaspora

 Jeta në Austri