Dështon fuzionimi në Jura

Ishte planifikuar që përmes bashkimit, në qarkun Freibergen të bëhej një komunë e re me rreth 10 mijë banorë

Ka dështuar dje përpjekja për fuzionimin e 13 komunave me qarkun Freibergen të kantonit Jura. Kjo për faktin se 11 komuna kanë votuar kundër këtij bashkimi.

Ishte planifikuar që përmes bashkimit të përmendur, në qarkun Freibergen të bëhej një komunë e re me rreth 10 mijë banorë. Bashkëngjitja, në rast të votimit pozitiv, do të realizohej në vitin e ardhshëm.

Ndërsa kundërshtarët e fuzionimit kishin qenë të mendimit se projekti parashihte kohë tepër të shkurtë për realizimin e fuzionimit. Ata po ashtu kishin shprehur frikën nga humbja e identitetit me rastin e fuzionimit.

Pjesëmarrja në votim ka qenë shumë e lartë, afërsisht 75%. Ndërkaq në komunën Les Enfers madje 94.9%.