Shkurt.ch
Zvicra fiton 20 medalje në Kampionatin Botëror të Profesioneve
Me këtë numër medaljesh të fituara, Zvicra ka zënë vendin e dytë në mesin e ekipeve pjesëmarrëse, pas Kinës
Në Kampionatin Botëror të profesioneve, i cili është mbajtur në Abu Dabi, ekipi nacional i Zvicrës ka fituar 20 medalje, njëmbëdhjetë nga të cilat, të arta. Ky është numër rekord medaljesh për Zvicrën, po u krahasua me pjesëmarrjet në kampionatet e mëparshme botërore të profesioneve, shkruan srf.ch.
Medaljet e arta për ekipin zviceran i ka fituar një elektromekanik, një mobiljepunues, një furrtare dhe një infermiere. Me këtë numër medaljesh të fituara, Zvicra ka zënë vendin e dytë në mesin e ekipeve pjesëmarrëse, pas Kinës.
Konkurrenca në këto gara botërore është rritur shumë gjatë viteve të fundit, transmeton albinfo.ch. Në to po marrin pjesë gjithnjë më shumë shtete, në veçanti ato nga Azia dhe nga Amerika e Jugut.
Udhëheqësit e ekipit prej 38 vetave nga Zvicra thonë se ky sukses ka qenë i papritur për ta. Kjo për faktin se, sipas tyre, garuesit zviceranë kanë qenë nxënës të zakonshëm ose punëtorë që kanë mbaruar zanatin në profesionet në fjalë, ndërsa disa nga shtetet pjesëmarrëse kanë trajnuar garuesit e tyre për shumë vite me radhë në mënyrë specifike për profile të ngushta profesionale.
Për fitoren e madhe, ekipi ka marrë urime edhe nga Këshilli Federal i Zvicrës.
Të tjera nga Shkurt.ch
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë