Zbulohet mekanizmi për matjen e dhimbjeve

Njerëzit me sëmundje kronike lëvizin ndryshe krahasuar me të tjerët. Dhe këto dallime në lëvizje ka mundësi të maten

Hulumtues nga Universiteti ETH i Lozanës, Zvicër, kanë zhvilluar një metodë për matjen objektive tüe shkallës së dhimbjeve kronike.

Thelbi i këtij “mekanizmi” qëndron në faktin se njerëzit me sëmundje kronike lëvizin ndryshe krahasuar me të tjerët. Dhe këto dallime në lëvizje, sado të vogla qofshin, ka mundësi të maten.

Në praktikën e deritashme, pacientët të shumtën e rasteve luten nga mjekët që të vlerësojnë vetë shkallën e dhimbjes që ndjejnë, duke dhënë “notat”, nga një deri në 10. Por problem në këtë metodë paraqet fakti se jo të gjithë njerëzit e ndjejnë dhembjen njësoj.

Studiuesit, gjatë hulumtimit për të gjetur matësin e dhimbjeve kanë vënë sensorët në pjesë të ndryshme të trupit, te të sëmurët kronikë dhe te njerëzit me shëndet të plotë. Këta sensorë pastaj kanë reaguar në mënyrë fare të ndryshme te të sëmurët.