Së shpejti, hamburger të klonuar

Hamburgeri i parë me mish viçi të grirë, i bërë nga qelizat burimore (të klonuara) të viçit, është zbuluar në një laborator holandez.

Thuhet se ky mish do të jetë i gatshëm për këtë vjeshtë, një zbulim i cili mund të ndryshojë sistemin e shtimit të begatisë, të ushqimit botëror. Shkencëtarët e këtij zbulimi pohojnë se kjo mënyrë e prodhimit të mishit do të jetë edhe në favor të mbrojtjes së mjedisit natyror.

Dr. Mark Post, mjek me profesion dhe shef i Departamentit të Fiziologjisë në Universitetin e Mastrihtit (Holandë), ka në plan të prezantojë  këtë hamburger në tetor, ka thënë ai për gazetarët.

Kostoja për të prodhuar hamburgerin e parë “eksperimental” ngritet gjerë në 250.000 euro, tha studiuesi, duke shtuar se i dyti duhet të jetë më i përballueshëm (200.000 euro).

Ky projekt është financuar nga një donator i pasur, i cili dëshiron të mbetet anonim, tha ai, duke shpjeguar se donatori në fjalë synonte të “ulë numrin e kafshëve të fermës, të cilat mbyten vetëm për mishin e tyre. Duke zvogëluar numrin e kafshëve, do të zbresim gjithashtu emetimet e gazeve serë që rezultojnë nga bagëtia”.