Të gjithë pro marrëveshjes, përveç SVP-UDC-së

Kjo parti, ka deklaruar se "do të përpiqet me të gjitha mjetet demokratike" që të pengojë realizimin e marrëveshjes

Marrëveshja e arritur dje, që u lë në dorë qytetarëve të vendosin për bashkimin ose jo të Jura-s së Bernës me kantonin ekzistues Jura, ka hasur në përkrahjen e shumicës së faktorëve politikë të Zvicrës.

Natyrisht, përveç SVP-UDC-së. Kjo parti, ka deklaruar se “do të përpiqet me të gjitha mjetet demokratike” që të pengojë realizimin e marrëveshjes. Sipas saj, askush përveç vetë kantonit Jura dhe “një grushti separatistësh” nuk ka treguar interes për të hapur sërish çështjen e Jura.-s.

Nga ana tjetër, marrëveshjen e kanë përshëndetur edhe seksionet partiake të SP-së dhe EVP-së Bernës, gjegjësisht seksionet e tyre të Bernës dhe të Jura-s. Lëvizja për Autonomi të Jura-s (Mouvement Aotonomiste Jurassien) në një komunikatë ka thënë se tash i takon popullit të bëjë zgjedhjen e vet.　

Në “bekimin” e marrëveshjes ka marrë pjesë edhe minsitrja e drejtësisë Simonetta Sommaruga. Ajo ka folur me fjalë miradije për arritjen e marrëveshjes në frymë bashkëpunimi dhe tolerance të ndërsjellë.