I eksplodon cigarja elektronike në gojë!

Me këtë rast duhanxhiut fatkeq i janë shkatërruar disa nga dhëmbët e tij të përparmë dhe një pjesë e gjuhës

Një burrë 57 vjeçar nga Pensacola, SHBA, duke dashur të linte shprehinë e duhanit, kishte filluar të “ndizte” cigaren elektronike. Por, bateria e prishur e cigares i ka shkaktuar atij eksplodim të cigares derisa ai e mbante në gojë.

Me këtë rast duhanxhiut fatkeq “në dorëheqje” i janë shkatërruar disa nga dhëmbët e tij të përparmë dhe një pjesë e gjuhës. Po kështu ai ka pësuar djegie në fytyrë, kanë njoftuar nga zyra e zjarrfikësve të mërkurën.

“Ajo që i ka ngjarë personit në fjalë, më së miri mund të kuptohet nëse e krahasojmë me efektin goditës që ka mbajtja në gojë e shishes kur presioni i tundjes, e hedh kapakun. Bateria ka fluturuar nga tubi dhe ka shkaktuar zjarr”. Kështu ka thënë shefi i zjarrfikësve në North NBay.