Zvicra mbyll ambasadën në Siri

Ministri Burkhalter këshillon rreth 180 zviceranët që jetojnë në Siri, ta lëshojnë vendin sa më shpejtë që të munden

Gjatë ditëve në vijim do të mbyllet Ambasada e Zvicrës në kryeqytetin e Sirisë, në Damask, ka thënë ministri i jashtëm, Diidier Burkhalter për mediet zvicerane.

Ndërkohë që Zvicra pati tërhequr ambasadorin e vet nga Siria që në muajin gusht, personeli tjetër kishte vazhduar qëndrimin atje, për të mundësuar mbështetjen e zviceranëve që jetojnë në Siri.

Në prag të mbylljes së ambasadës, ministri Burkhalter këshillon rreth 180 zviceranët që jetojnë në Siri, ta lëshojnë vendin sa më shpejtë që të munden. Në faqen e internetit të Departamentit për punë të jashtme thuhet se gjendja e sigurisë në Siri është përkeqësuar edhe më shumë.