Spreitenbach nuk lejon manifestimin “Islam Unity 2012”

Sipas organizatorit IZSR, në këtë takim që duhej të mbahej më 25 shkurt do të merrnin pjesë rreth 1800 veta

Pas qytetit Bülach, edhe Spreitenbach-u i ka mohuar mikpritjen Këshillit Qendror Islamik të Zvicrës (IZRS) të drejtuar nga Nicolas Blancho, për mbajtjen e manifestimit masiv “Islam Unity 2012”.

Sipas organizatorëve, në këtë takim që duhej të mbahej më 25 shkurt do të merrnin pjesë rreth 1800 veta.

Komuna e Spreitnebach-ut ka refuzuar mikpritjen për shkak se konsideron se është mashtruar nga organizatori. Sipas saj, në kërkesën e bërë për lejimin e mbajtjes së manifestimit në tendën e madhe të cirkut, në Spreitenbac,h është shkruar se bëhet fjalë për një aktivitet privat të IMS (shkollë e informatikës) në tendën e cirkut.

Kundër kërkesës së IZRS-së për të mbajtur manifestimin masiv, qe shprehur edhe komuna e Bülach-ut. Ajo kishte anuluar në muajin janar kontratën tashmë të lidhur, me arsyetimin se IZRSështë organizatë religjioze-politikke ekstreme.